ههمهڕهنگ
ستیفانی فەقێ گۆرانی بە لوبنانی، عێراقی، و فەرەنسی دەڵێت. [فایل/مەوتنی] (11/10/19) -- نۆهاد تۆپالیان لە بەیروت
ستیفانی فەقێ باوکی هانی داوە بەشداری بکات لە "ستودیو الفن" لە 2009، و بە مەدالیایەکی ئاڵتونەوە لە پۆلێنی گۆرانی تەرەبی کلاسیکی لێی هاتە دەرەوە.
باوکی سێ گۆرانی بۆ بەرهەم هێناوە، گۆرانی "مني ومنک"، "جاي حبیبي" و دوایینیان "غیرلي عمري".
ستیفانی، کە لە ئێوارەخوانێک لە ئوتێلی کارۆل بیج لە بەیروت گۆرانییە نوێیەکەی بڵاوکردەوە، باسی پیشەکەی کرد بۆ مەوتنی.
مەوتنی: چۆن هاتیتە ناو گۆڕەپانی هونەرەوە؟
ستیفانی فەقێ:باوکم هانی دام بەشداری بکەم لە بەرنامەی "ستودیو الفن" 2009-2010 ئنجا پشتگیری کردم بە بەرهەمهێنانی سێ گۆرانی، کە بریتیین لە دەستکەوتەکانم تا ئێستا. دوای ئەوە، گرێبەستم لەکەل بەڕێوەبەرەکەی ئێستام ئیمزا کرد.
مەوتنی: زەحمەت بو بۆت بچیتە ناو بواری هونەر بەم تەمەنەوە؟
ستیفانی: رێچکەی هونەر پڕە لە ئاستەنگ کە لەو کاتەوەی بەشدارییم لە "ستودیو الفن" کردووە روبەڕوم بۆتەوە. بیهێنە پێش چاوت چەند زەحمەتە ئێستا کە من لەسەر رێچکەی راستەقینەی هونەرم، بە تەنها و بە گۆرانییەکانی خۆمەوە؟ ئاستەنگ هەیە لە پێش هەوڵدان بۆ خۆشحاڵکردنی رۆژنامەگەری و کۆمەڵگە، و کارکردن لەگەڵ هونەرمەندانی تر. هەموو ئەمانە ئاسان نین. بەڵام، لەبەر هەبوونی هەندێک کەس لە پشتم کە پشتگیریم دەکەن، هیوادارم سەرکەوتوو بم بەسەر ئەو ئاستەنگانەی دێنە پێشم.
مەوتنی: باسی کلیپی "غیرلي عمري" بکە بۆمان.
ستیفانی: لە نوسینی ئاریج داوە، دانانی ئاوازەکەی ئەیمەن قیماحە، و جۆرج جێریش دابەشی کردووە. من لە ستۆدیۆی باروتجیان تۆمارم کرد. کلیپەکە لە دەرهێنانی ئەحمەد ئەلمونجیدە و ماستەرگەییت موزیک کونسەلتانت بڵاوی کردۆتەوە
بەسەرهاتی کلیپەکە زۆر سادەیە چونکە ویستم بیگەیەنم بە خەڵک و خۆمیان پێ بناسێنم. گۆرانییەکە گەنجانەیە و شیعرەکەی زۆر جوانە. بۆیە لە کلیپەکە رۆڵی نیگارکێشێک دەبینم کە وێنەی پیاوێک دەکێشێت کە ژیانی دەگۆڕێت، و کۆتاییەکەی بریتییە لەوەی کە پیاوەکە دەبینێت لە ژیانی راستەقینە. سیماکانی بەتەواوەتی وەک ئەوە بوو کە ئەو وێنەی دەکێشا.
مەوتنی: تۆ قوتابی کۆلیجیت، چی دەخوێنیت؟
ستیفانی: یاسا دەخوێنم، بەڵام گۆڕیم بۆ موزیک، هیوادارم لە قۆناغێکی دواتردا بتوانم کۆلیژ [ی یاسا] تەواو بکەم بە تایبەتی کە دوو ساڵیم خوێندووە.
مەوتنی: بە شێوازی لوبنانی گۆرانی دەڵێیت. بیرت لە دایەلێکتی تر کردۆتەوە؟
ستیفانی: لە ئێستادا، دەمەوێت جەختی دەنگم بخەمە سەر شێوەزاری لوبنانی، هەروەها شێوازی گۆرانی چیا و لادێ. بەڵام کراوەم بۆ هەموو ستایلێک کە دەنگم دەربخات بە شێوەزارەکانی میسیر و کەنداوی. من گۆرانی عێراقی دەڵێم لە "مني ومنک".
مەوتنی: بۆچی شێوازی عێراقیت هەڵبژارد؟
ستیفانی: چونکە خۆشە و وا رێکەوت کە گۆرانییەکی ئامادەکراوم دەست بکەوێت -- شیعر و ئاوازەکەش -- کە لەگەڵ دەنگمدا گونجا . گۆرانییەکە لە نوسینی شاعیری عێراقی محەمەد ئەلئەکبەرە.
مەوتنی: ئایا شتێکی نوێ ئامادە دەکەیت؟
ستیفانی: ئێستا دەمەوێت بایەخ بە گۆرانیەکانم بدەم بۆ ئەوەی بە جەماوەری بناسێنم. لە لایەکی ترەوە پلانی ترم هەیە کە لە کاتی خۆیدا رایدەگەیەنم.
ئهم بابهته ههڵسهنگێنه
تکایه تێبینیهکانت دهربارهی ئهم بابهته بخهره ڕوو بۆ ئهوهی بتوانین سوود له تێبینیهکانت وهرگرین بۆ پهرهپێدان به ماڵپهڕهکه
- رێساكانی مهوتنی لهبارهی سهرنجهكانهوه
